#ALLAMA IQBAL

 Allama Iqbal 

 

 نہ تو زمیں کے لیے ہے نہ آسماں کے لیے

جہاں ہے تیرے لیے تو نہیں جہاں کے لیے

یہ عقل و دل ہیں شرر شعلۂ محبت کے

وہ خار و خس کے لیے ہے یہ نیستاں کے لیے

مقام پرورش آہ و نالہ ہے یہ چمن

نہ سیر گل کے لیے ہے نہ آشیاں کے لیے

رہے گا راوی و نیل و فرات میں کب تک

ترا سفینہ کہ ہے بحر بیکراں کے لیے

نشان راہ دکھاتے تھے جو ستاروں کو

ترس گئے ہیں کسی مرد راہ داں کے لیے

نگہ بلند سخن دل نواز جاں پرسوز

یہی ہے رخت سفر میر کارواں کے لیے

ذرا سی بات تھی اندیشۂ عجم نے اسے

بڑھا دیا ہے فقط زیب داستاں کے لیے

مرے گلو میں ہے اک نغمہ جبرائیل آشوب

سنبھال کر جسے رکھا ہے لا مکاں کے لیے

Na tū zamīñ ke liye hai na āsmāñ ke liye

jahāñ hai tere liye tū nahīñ jahāñ ke liye

ye aql o dil haiñ sharar shola-e-mohabbat ke

vo ḳhār-o-ḳhas ke liye hai ye nīstāñ ke liye

maqām-e-parvarish-e-āh-o-lāla hai ye chaman

na sair-e-gul ke liye hai na āshiyāñ ke liye

rahegā raavī o niil o furāt meñ kab tak

tirā safīna ki hai bahr-e-be-karāñ ke liye

nishān-e-rāh dikhāte the jo sitāroñ ko

taras ga.e haiñ kisī mard-e-rāh-dāñ ke liye

nigah buland suḳhan dil-navāz jaañ pur-soz

yahī hai raḳht-e-safar mīr-e-kārvāñ ke liye

zarā sī baat thī andesha-e-ajam ne use

baḌhā diyā hai faqat zeb-e-dāstāñ ke liye

mire gulū meñ hai ik naġhma jibra.īl-āshob

sambhāl kar jise rakkhā hai lā-makāñ ke liye